Зоран Ристовски – Ѓуза е новиот прв човек на јавниот сервис. Програмскиот совет на Македонската радиотелевизија денеска му даде доверба на Ристовски во наредниот три годишен мандат да ја води медиумската куќа. Ристовски, за кого во јавноста веќе извесен период се шпекулираше дека ќе биде избран, на оваа функција ќе го наследи Марјан Цветковски кој беше на чело на јавниот радиодифузен сервис речиси 14 години, откако во 2012 година беше избран.
За Ристовски на седницата гласале 12 од вкупно 13 членови на Програмскиот совет, а само од еден не добил поддршка. А, на седницата како негови конкуренти што се пријавиле на конкурсот, вкупно седум, биле и Тони Гламчевски, Искра Ребац, Перо Попов, Зоран Богатинов, Сотир Сотировски и Игор Себишки. Извори на „Фокус“ присутни на седницата велат дека неговата програма со повеќе од сто страници поднесена со кандидатирата се издвојувала по квантитет и студиозност во пристапот кон самата позиција за која се претендира. Наспроти, како што велат, друго програми кои била напишани само на некоку странички, некои од нив најверојатно само со користење на вештачка интелигенција.
Изборот на Ристоски не се смета за изненадување, затоа што во јавноста во неколку наврати неговото име беше споменувано како најсериозен кандидат да го замени Цветковски на директорската позиција. Се смета за личност кој, кажано метафорички, полесно може да ги отвори вратите во владејачките кругови што значи дека би имал повеќе шанси да протурка некои од работите што се неопходни за комплетирање на функционалноста на јавниот сервис. Во прв ред вработувањето , затоа што и во Телевизијата и во Радиото, велат информациите, ургентно е потребно освежување и надополнување на човечките ресурси, а тоа без согласност од министерствата за финансии и јавна администрација не е возможно.
За утре е предвидено избор на заменик директор на МРТ кој традиционално му припаѓа на претставник од албанската етничка заедница. Пријавени, според информации кои го пренесе „Фокус“ се 12 кандидати, а неофицијално, фаворит на власта е извесниот Џулијан Шабани