Советничката од СДСМ, Кети Штерјова, постави советничко прашање во врска со непотизмот при вработување пожарникари.
„Сведоци сме колку тешко изминатите години се справувавме со пожарите, затоа што токму неефикасноста излезе на површина, и затоа мора да се вработуваат исклучиво професионални и компетентни лица, а не кадри избрани по роднински, кумски или партиски критериуми.
— реклама —
„Според информациите кои што стигнаа до нас, меѓу вработените на овој оглас се наоѓаат лица кои се во блиски роднински и кумашински врски со Вас, градоначалник. За Сашо Милошевски, имаме информација дека е ваш кумашин. За Николче Темелковски се тврди дека е Ваш братучед. Во минатото бевте многу гласни и критички кога стануваше збор за непотизмот, а одеднаш Вие не само што не го искоренувате, туку и го унапредувате непотизмот. Се однесувате како Град Скопје да е Ваша своина и како сте тргнале ќе го претворите во партиски штаб”, рече Штерјова.