Српската полиција соопшти дека привеле во Врање државјанин на Северна Македонија под сомнение за продолжено кривично дело измама.
Осомничениот С.К (1970) се товари дека од 4 до 13 јуни годинава им се јавил на тројца граѓани од областа на Врање на нивните фиксни телефони, претставувајќи се како лекар од Северна Македонија, и им кажал дека нивни блиски членови на семејството наводно се тешко повредени, со што ги довел во заблуда и подоцна отишол на нивни адреси и зел големи суми пари.
За приведениот ќе биде поднесена кривична пријава.