Папата Лав Четиринаесетти упати остри критики против политиката на американската влада кон имигрантите.
– Некој што вели дека е против абортус, а поддржува нечовечно постапување со имигрантите во САД – не знам дали таа позиција може да се смета за поддршка на животот, изјави папата пред новинарите.
Светиот отец одговори на прашање на американски новинар во врска со политиките на Вашингтон. Белата куќа порача дека Трамп бил реизбран за претседател поради многубројните негови ветувања, меѓу кои и депортација на нелегалните имигранти и странските криминалци.
Папата Лав, кој беше избран во мај за наследник на починатиот папа Франциск, досега демонстрира посмирен стил од својот претходник, кој често јавно ја критикуваше администрацијата на Трамп.
Папата беше прашан и за наградата што црквата во Чикаго ја додели на демократски сенатор кој го поддржува правото на абортус – одлука што предизвика остри реакции кај конзервативните католички кругови. – Важно е да се погледне на целокупната работа на сенаторот, рече папата, додавајќи уште еднаш дека „некој што е против абортус, но ја поддржува смртната казна, всушност не може да се смета за вистински бранител на животот“.