ЦИВИЛ – Центар за слобода, како коосновач на Глобалната иницијатива за одбрана на демократијата (Defending Democracy Global Initiative – DDGI), ќе биде дел од јавниот настан „Одбрана на демократијата и човековите права – Од препораки кон акција“, што ќе се одржи вечерва, 2 октомври 2025 година во Рим.
Програмата, закажана од 18:30 до 20:30 часот по средноевропско време, ќе вклучува промоција на книгата „Одбрана на демократијата и човековите права– со извештаи и препораки за политики, која потоа ќе биде проследена со дискусија.
Промотор на книгата е Џабир Дерала, претседател на ЦИВИЛ –Центар за слобода, а наодите и препораките од книгата се производ од меѓународната конференција „Одбрана на демократијата и човековите права во време на војна и авторитаризам“, која се одржа во Скопје на 11 и 12 декември 2024 година.
Настанот е дел од Глобалната иницијатива за одбрана на демократијата , ко-основана од Новиот европски граѓански народен форум (NEPF), Медија дијалог и ЦИВИЛ– Центар за слобода, а поддржана од Europa Now!.
Според организаторите, вечерта ќе се фокусира на практични чекори за борба против дезинформациите, зајакнување на демократските институции и одбрана на човековите права. Иницијативата, исто така, ја истакнува европската одговорност во поддршката на Украина во време на растечки геополитички предизвици.
Глобалната иницијатива за одбрана на демократијата ги здружува пратениците, граѓанското општество и претставниците на медиумите низ цела Европа промоција на демократската отпорност и соработка. Се фокусира на три главни столба: застапување и креирање политики, независна медиумска продукција, вклучувајќи го и подкастот „Eyes on Democracy“ ( Поглед кон демократијата), и нејзината водечка програма, Вестминстерската алијанса за Украина.
ЦИВИЛ – Центар за слобода
Преземено: Цивил Медиа