Албанскиот премиер Еди Рама на Самитот на лидерите на Европската политичка заедница што се одржува во Копенхаген, во друштво на азербејџанскиот претседател Илхам Алиев и францускиот претседател Емануел Макрон се потсмеваше со гафовите на Трамп кој во неколку јавни настапи рече дека го завршил воениот конфликт помеѓу Азербејџан и Албанија, која ја помеша со Ерменија.
🇦🇱🇦🇿🇫🇷 Albanian PM to Macron:
“You should congratulate Ilham Aliyev and me. Trump has ended the conflict between us.” pic.twitter.com/UjkLTnPF5Y
— MAKS 25 🇺🇦👀 (@Maks_NAFO_FELLA) October 2, 2025
„Треба да ни честитате мене и на Илхам Алиев. Трамп го заврши конфликтот меѓу нас,“ му вели Рама на Макрон во друштво со азербејџанскиот претседател Илхам Алиев пред почетокот на формалната програма на Самитот на лидерите на Европската политичка заедница во Копенхаген.
Освен тоа што Трамп во неколку наврати тврдеше дека го решил конфликтот меѓу Азербејџан и Албанија, кој, според него траел 22 години, тој исто така изнесе слично тврдење, во кое Азербејџан го нарече „Абербајџан“.
Д. Мишев / Цивил Медиа