18
Силно невреме ја зафати Хрватска. Денеска низ цела територија ќе биде умерено до претежно облачно, а на места ќе има врнежи од дожд со грмежи прогнозира Државниот хидрометеоролошки завод. Најголем дел од врнежите и бурите се очекуваат попладне и навечер.
Врнежите ќе бидат почести и пообилни на Јадранското Море и областите во негова близина, а можни се и локални грмежи. Слаб до умерен ветер од север и североисток, на исток и северозапад. На Јадранското Море ќе дува умерен до силен ветер,а во централните и јужните делови, од северозападен и слаб до умерен јужен правец.
И во Македонија денеска ќе биде сончево со мала до умерена локална облачност. Попладне и во текот на ноќта ќе има изолирана појава на нестабилност со пороен дожд и грмежи, повремено со услови за краткотрајно невреме.
Ќе дува слаб до умерен, наместа во западните делови повремено засилен ветер од западен, а долж Повардарието од северен правец.