6
Манчестер Сити доби уште едно засилување, откако успеа да го врати „своето дете“ Џејмс Трафорд на „Етихад“, 22-годишен голман кој пристигна од Барнли.
Барнли се надеваше дека ќе добие дури 50 милиони евра обештетување за овој голман, но Сити успеа да договори обештетување од 32 милиони евра, што исто така изгледа неверојатно високо.
Интересно е и тоа што со овој трансфер на „граѓаните“, Гвардиола достигна еден вид рекорд, бидејќи стана првиот тренер во историјата на фудбалот што потрошил повеќе од две милијарди евра за засилувања во текот на својата кариера!
Гвардиола ја руши таа магична бројка токму со овој трансфер на Трафорд, кој е 96-тиот играч за кого Гвардиола плати обештетување во својата кариера.
Секако, се бројат засилувањата што Гвардиола ги донесе во сите три клуба што ги водеше од клупата – Барселона, Баерн и Сити.
Ниту еден друг тренер досега не достигнал две милијарди, а најблиску до него е Диего Симеоне со 1,31 милијарда евра потрошени за засилувања во Атлетико Мадрид.