5
Бројот на загинати во рускиот напад на Киев, кој се случи во ноќта меѓу среда и четврток, се искачи на 31 лице, додека 159 лица се повредени, соопшти началникот на киевската воена управа, Тимур Ткаченко.
„Во текот на целата ноќ, а и сè уште, продолжуваат операциите за потрага и спасување. Во Свјатошинскиот округ и понатаму се извлекуваат телата на настраданите. Спасувачите штотуку извлекоа уште три лица,“ објави Ткаченко на Телеграм, пренесува Укринформ.
Според него, досега е потврдено дека 31 лице го загубило животот, додека, според податоците на Државната служба за вонредни ситуации на Украина, повредени се 159 лица.
Во знак на сеќавање на жртвите, 1 август во Киев е прогласен за Ден на жалост, пренесе Укринформ.
Нападот погодил 27 локации во четири округа на украинската престолнина, а меѓу погодените објекти имало станбени згради, училишта и болници.
Претседателот на Украина Володимир Зеленски вчера објави видео-снимка од запалени урнатини, нагласувајќи дека е причинета голема штета.
Since the night hours, our rescuers, firefighters, medics, and all the necessary emergency services have been working at the sites of Russian missile and drone strikes. The Dnipro, Poltava, Sumy, Mykolaiv, and Kyiv regions have been affected. The capital was the primary target of… pic.twitter.com/Cn8VMXoijE
— Volodymyr Zelenskyy / Володимир Зеленський (@ZelenskyyUa) July 31, 2025