7
Најмалку 69 тела се извлечени од Атлантскиот Океан повеќе од 48 часа по потонување на брод со мигранти кај Мавританија, а десетици луѓе се исчезнати, соопшти денеска Крајбрежната стража на западноафриканската држава.
Претходните информации говореа за 49 жртви и околу стотина исчезнати во овој поморски инцидент, кој се случи на околу 80 километри северно од главниот град Нуакчот.
Официјален претставник на Крајбрежната стража претходно изјави дека на бродот имало 160 луѓе, а дека само 17 од нив успеале да преживеат. Според информациите од локалните власти, најголем дел од патниците на бродот биле државјани на Сенегал и Гамбија.