4
Европската агенција за лекови денес препорача одобрување на лек за превенција од ХИВ, кој се инјектира двапати годишно и за кој научниците велат дека би можел да помогне во спречувањето на ширењето на вирусот.
Ова регулаторно тело во соопштението наведе дека неговите тестови покажале дека лекот ленакапавир (ленакапавир), или Џеџудо, како што се нарекува во Европа, е „многу ефикасен“ и „се смета за од голем јавен интерес“, пренесува Бета-АП.
Лекот го произведува „Гилеад Сајанс“.
Откако Европската комисија ќе ја усвои препораката на агенцијата, одобрението за лекот ќе биде важечко во сите 27 земји-членки на Европската Унија, како и во Исланд, Норвешка и Лихтенштајн.
Студиите од минатата година покажаа дека ленакапавир, кој веќе се користи кај луѓе заразени со ХИВ, е речиси 100 проценти ефикасен во спречувањето на пренесувањето на инфекцијата и кај мажите и кај жените.
Вини Бјањима, извршна директорка на агенцијата на ОН за СИДА, изјави дека лекот „би можел да ја промени траекторијата на епидемијата на ХИВ“ доколку им биде достапен на сите на кои им е потребен.
Американската администрација за храна и лекови ја одобри употребата на ленакапавир за превенција од ХИВ во јуни.
Порано овој месец, Светската здравствена организација препорача лекот да се понуди како дополнителна опција за луѓе кои се изложени на ризик од ХИВ инфекција.