27
Според „Њујорк тајмс“, американскиот претседател Доналд Трамп и украинскиот претседател Володимир Зеленски ќе се сретнат во понеделник во Белата куќа, а на состанокот се поканети и европски лидери.
Информацијата за „Ројтерс“ ја потврдија двајца неименувани високи европски функционери.
Овој состанок ќе следи по самитот меѓу Трамп и рускиот претседател Владимир Путин во Алјаска, кој Вашингтон го оцени како состанок што донесе „голем напредок“, иако не е постигнат конечен договор за прекин на конфликтот во Украина.
Иако Трамп и Путин објавија дека е постигнат значителен напредок и дека е постигнат договор што ќе го отвори патот за мир, сè уште не е воспоставен прекин на огнот.
По самитот во Алјаска, група европски лидери изјавија дека ќе продолжат да ја поддржуваат Украина и дека ќе се залагаат за силни безбедносни гаранции за оваа земја. Тие нагласија дека само Украина може да одлучува за својата територија.
И покрај ова, лидерите на Европската унија ги поздравија напорите на Трамп да го прекине конфликтот во Украина и да постигне „праведен и траен мир“.