Непознати дронови забележани над најголемата воена база во Данска
Данската полиција објави дека непознати беспилотни летала беа забележани синоќа над најголемата воена база во Данска.
„Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп“, изјави претставник на данската полиција. Тој додаде: „Не ги соборивме“.
Во текот на изминатите денови, дронови беа забележани како летаат над цивилни и воени објекти, што доведе до привремено затворање на воздушниот простор на Данска.
Премиерката на Данска, Мете Фредериксен, претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази за тоа.
Москва ги отфрли овие тврдења.
Извор: МИА