4
Советот на министри на Албанија усвои регулаторен акт, преку кој 1,9 милијарди албански леки (19,6 милиони евра) ќе бидат пренаменети од буџетот на земјата за 2025 година за да започне со производство на сопствено оружје и да ги зајакне вооружените сили на земјата, објави албанскиот министер за одбрана Пиро Венгу, цитиран од „Албаниан пост“.
„Регулаторниот акт му обезбедува на буџетот за одбрана потребна поддршка за зајакнување на човечкиот капитал и сите оперативни капацитети за да започне со производство на сопствено оружје и воена опрема со брендот „Произведено во Албанија“, како и за финансирање на проекти поврзани со критичната инфраструктура на земјата“, коментираше Венгу.
Според Венгу, околу 1,3 милијарди леки (13,4 милиони евра) од предвидениот износ ќе бидат искористени за тековни капитални расходи, главно за покривање на плати и обврски за социјално осигурување.