Директорите на Центарот за управување со кризи и на Јавното претпријатие Национална радиодифузија – Скопје, Мухамед Али и Јусуф Сопа, денеска потпишаа Меморандум за соработка со кој се воспоставува партнерство помеѓу двете институции со цел унапредување на системот за превенција и рано предупредување од цивилни ризици и опасности, како и поефикасно справување и отстранување на последиците од цивилни несреќи и катастрофи.
Оваа соработка, како што велат од Центарот зауправување со кризи, ќе придонесе за побрза и посигурна размена на информации, подобра координација и навремено информирање на јавноста во ситуации кога е загрозена безбедноста на граѓаните.