10
Данската премиерка Мете Фредериксен денес изјави дека лидерите на ЕУ треба да бидат подготвени да спроведат заем за Украина, во вредност од 210 милијарди евра, користејќи замрзнати руски средства, дури и без поддршка од Белгија, објави „Еурактив“.
„Би претпочитала да се најде решение во духот на договорот, но времето отчукува“, додаде таа пред денешниот самит на ЕУ на кој треба да се донесе клучна одлука за помош за Украина.
Белгискиот премиер Барт де Вевер постојано повторува дека се спротивставува на ваквите планови, наведувајќи ги финансиските и правните ризици, како и потенцијалната штета на угледот на „Еуроклеар“, една од најголемите светски трговски куќи за финансиски хартии од вредност, со седиште во Брисел и која го држи најголемиот дел од замрзнатите средства на Русија.