10
Централната изборна комисија на Босна и Херцеговина (ЦИК БиХ) на денешната вонредна седница одлучи да ги поништи предвремените избори за претседател на Република Српска во 17 изборни единици (општини) на 136 избирачки места.
Одлуката е донесена со мнозинство гласови врз основа на жалби и, како што се тврди, утврдени манипулации и неправилности, вклучувајќи, меѓу другото, одземање и додавање гласови на кандидатите.
„На овие предвремени избори беа регистрирани бројни неправилности. За да се заштити интегритетот на изборниот процес, потребно е да се поништат изборите“, соопшти ЦИК.