7
Продавачите на традиционалните земјоделски пазари во Грција (Лаики Агора) ќе започнат национален штрајк од 7 јануари следната година, објавија локалните медиуми, повикувајќи се на информации за заедничка одлука на нивните федерации.
„И покрај фактот дека производителот и самовработениот земјоделец ги продаваат своите производи по ниска цена, спроведените политики ги зголемуваат трошоците во секоја фаза од дистрибуцијата“, се вели во соопштението на демонстрантите.
Продавачите и производителите на отворените земјоделски пазари бараат мерки против високите цени и за вистинска поддршка на земјоделците преку намалување на трошоците за производство. Меѓу нивните главни барања е укинување на претпоставениот метод на оданочување, кој се базира на проценети, а не на реални приходи.
Различните видови традиционални земјоделски пазари во Грција им овозможуваат на лиценцираните трговци да продаваат земјоделски производи купени од производителите, како и на земјоделците да ги продаваат своите производи.
Во моментов нема недостиг од овошје и зеленчук на земјоделските пазари во Атина, и покрај тековните протести на земјоделците во различни региони на Грција.