13
Српскиот претседател Александар Вучиќ денес изјави дека нема да има мировен договор меѓу Украина и Русија без членството на Украина во ЕУ.
Вучиќ за ТВ Блиц изјави дека ова е напишано во идниот мировен договор, кој, како што рече, ќе биде обврзувачки и за Украина и за Русија, но и за многу големи сили.
На прашањето на новинарите како Украина ќе стане членка на ЕУ кога некои земји-членки на ЕУ се спротивставуваат на тоа, а е потребен консензус, Вучиќ одговори дека нешто ќе мора да се случи, бидејќи нема да има мировен договор меѓу Русија и Украина ако Украина не се приклучи на ЕУ.
„Затоа верувам дека ќе се случи некое противправно чудо, за да можеме да ја имаме Украина во ЕУ“, рече Вучиќ.
На прашањето дали ова би можело да ѝ помогне на Србија на нејзиниот европски пат, Вучиќ одговори дека тоа „отвора некои можности“.