53
Рускиот претседател Владимир Путин ги даде своите први официјални коментари за нападите на САД и Израел врз Иран и одмаздничките напади што следеа.
Тој го нарече целното убиство на врховниот лидер на Иран, ајатолахот Али Хамнеи, „цинично убиство“, објави руската државна новинарска агенција ТАСС. Според Путин, чинот ги прекршил „сите норми на човечкиот морал и меѓународното право“, објави Си-Ен-Ен.
Путин додаде дека Хамнеи ќе биде запаметен во Русија како „извонреден државник“.
Москва и Техеран се долгогодишни клучни сојузници. Иран ѝ обезбеди на Русија воена поддршка, вклучувајќи беспилотни летала и балистички ракети, и ѝ помогна на Москва да изгради погон за производство на беспилотни летала за војната во Украина.
Коментарите доаѓаат еден ден откако руското Министерство за надворешни работи ги осуди нападите на САД и Израел врз Иран, опишувајќи ги како „непромислен чекор“ и „неиспровоциран чин на вооружена агресија“.