Холивудската икона Мишел Фајфер блескаше на лондонската премиера на „Медисон“ – во црн фустан украсен со бисери и елеганција што нè потсети зошто таа е една од најстилските ѕвезди во Холивуд.
Откако се појави на модната ревија на „Сен Лоран“ во Париз, Мишел Фајфер се врати за да го промовира својот нов ТВ проект – серијата „Медисон“.
Таа се појави со екипата на црвениот тепих на лондонскиот Лестер Сквер, облечена во ефектна креација со која го украде целото внимание.
Станува збор за фустан од предпролетната колекција 2026 на модната куќа Оскар де ла Рента. Свилениот фустан од жоржет со бисерни детали совршено го врамуваше нејзиниот изглед, а секој детаљ од стилот зрачеше со промисленост и класа. Серијата „Медисон“, која ќе биде достапна на стриминг услугата „Скај шоутајм““ овој март, ја прикажува Фајфер како клучен лик во драмата за загубата и семејните врски.
Црниот миди фустан со долги ракави, потпишан од ко-креативните директори Лаура Ким и Фернандо Гарсија, зрачеше со дискретна луксузна естетика. Белите бисери распослани по торзото, ракавите и здолништето не беа претерани – беа прецизни. Фајфер го продолжи мотивот со висечки бисерни обетки и прстени од „Тасаки“, а црните чевли со зашилен врв од Џанвито Роси го заокружија изгледот.
Совршените слики се дело на стилистката Саманта Мекмилен, во чие портфолио се наоѓа и номинираната за Оскар, Ел Фенинг. Фризурата со природни, меки кадрици ја стилизираше Ричард Марин, додека шминкерката Вали О’Рајли ги нагласи дефинираните веѓи и дискретните усни – класичен холивудски гламур без претерување.
Новата серија од шест дела е напишана од Тејлор Шеридан, креаторот на блокбастерот „Јелоустоун“. Приказната следи семејство од Њујорк кое, по катастрофална загуба, оди во рурална Монтана за да се соочи со тагата и своите врски. Фајфер игра една од централните улоги.
Претходно, Фајфер не можеше да пропушти уште една Модна недела во Париз, па затоа со своето присуство ја разубави ревијата на „Сен Лоран“ за есен/зима 2026. Секако, привлече големо внимание на целиот настан.
Мишел веќе неколкупати беше тема на дискусија поради фактот што за неа годините се само број, па дури и експертите го анализираа нејзиниот изглед, тврдејќи дека не е сè на неа природно.
Во секој случај, убавото лице на Мишел Фајфер повторно ги остави без здив сите што ја видоа. За Модната недела, таа избра едноставно, но ефектен црн костум, додека под него носеше чипкаст горен дел. За да ја „разбие“ монотонијата, избра зелени потпетици и масивни белегзии во слична нијанса.