3
Чешкиот премиер Андреј Бабиш јавно го поддржа унгарскиот премиер Виктор Орбан пред парламентарните избори во Унгарија, закажани за недела, 12 април.
Бабиш се огласи на социјалните мрежи за да ја изрази својата поддршка за Орбан, нагласувајќи дека тој „секогаш ги бранел унгарските граѓани и ги поддржувал националните интереси на Унгарија“.
„Во овие турбулентни времиња, изборот на стабилност и сигурно лидерство е поважен од кога било“, рече Бабиш, додавајќи дека Орбан се залагал за силна Европа заснована на мир и максимален развој на потенцијалот на земјите-членки.
Парламентарните избори во Унгарија се одржуваат во време на зголемени политички тензии, а Орбан и неговата партија Фидес, како и лидерот на опозицијата Петер Маѓар, кој го предводи движењето Тиса, се главни соперници.
Според аналитичарите, исходот од изборите предизвикува голем интерес во рамките на Европската Унија, каде што некои политички кругови се надеваат на промена на владата во Будимпешта и крај на годините доминација на Орбан.
Во пресрет на гласањето, од Русија доаѓаа проценки дека по изборите би можеле да следат протести, во зависност од исходот и реакцијата на јавноста.