184
Принцот Хари ја изненади јавноста во Мелбурн со искрени исповеди за најтешките моменти од неговиот живот, особено периодот по смртта на неговата мајка, принцезата Дајана.
Зборувајќи пред публиката, принцот Хари открил дека како момче тешко ја прифатил улогата што му била наменета.
– Откако почина мајка ми, непосредно пред мојот 13-ти роденден, си помислив: „Не ја сакам оваа работа. Не ја сакам оваа улога, каде и да води, не ми се допаѓа“. Тоа ја уби мојата мајка и јас бев силно против тоа и со години ја криев главата во песок. На крајот сфатив – чекај малку, ако некој друг беше во оваа позиција, како би ја искористел оваа платформа и ресурсите што доаѓаат со неа за да направи промена во светот? И што би сакала мајка ми да направам? И тоа навистина ја промени мојата перспектива – споделил Хари.
Хари признал дека со години се соочувал со чувството на загуба и со големиот притисок, и надворешен и внатрешен.
– Имаше многу моменти кога се чувствував преоптоварен. Моменти кога се чувствував изгубено, предадено или целосно немоќно. Моменти кога притисокот, и надворешен и внатрешен, изгледаше непрекинат. И моменти кога, и покрај сè, морав да се појавам преправајќи се дека сè е во ред, за да не разочарам никого – рекол тој.
Неговото признание трогнало многумина, бидејќи ретко зборува толку отворено за своите лични борби.
Принцезата Дајана го загуби животот кон крајот на август 1997 година во сообраќајна несреќа во Париз, кога имаше само 36 години.
Тој настан засекогаш го промени животот на нејзиниот син, кој денес, како што вели тој, се обидува да ја искористи својата позиција за нешто добро, точно онака како што би сакала неговата мајка.