Поранешната советничка во Советот на Општина Битола од „Поинаку“ и кандидатка за градоначалник, Габриела Илиевска, во објава на социјалните мрежи укажува на сериозни пропусти во работењето на локалната самоуправа во Битола.
– Поминаа неколку дена од театралното извинување на Тони за улицата кај „Уредот“. Поминаа и денови исполнети со силен ПР, со кој се обидува да го убеди јавноста дека ТРАНСФОРМАТОРОТ не е грешка.
Наместо одговорност, добивме мајтап, потценување и пораки од типот „вие ништо не разбирате, ние сме најпаметни“, проследени со слики од вештачка интелигенција — која од која „посовршена“.
Но фактите се едноставни:
Градоначалникот започнал со копање улицата кај Уредот без обезбедени документи и дозволи и ги остави граѓаните една година во кал.Понесен од моќ, ароганција и самоволие, излегува јавно и вели — „извинете“.
Таквото извинување е исто како некој да почне да гради куќа на сред плоштад кај Епинал, па потоа да каже „извинете“.
И тука не завршува приказната.
На друга улица, истиот градоначалник реализира проект со трансформатор поставен на сред пешачка зона и дел од улица. Проект стар 15 години — кој можел да биде ревидиран, изменет или подобрен. Но наместо тоа, добивме изјава:
„Решивме да го спроведеме и лично сметам дека, освен визуелно или естетски, трансформаторот не претставува никаква функционална пречка.“
Чекав и се надевав дека барем една институција ќе реагира.
Во нормална држава, кога градоначалник јавно признава дека започнал градба без документи и дека свесно не направил ревизија на ризичен проект — следи итна реакција.
Еве бидејќи никој не слушнал и не видел, премиере Hristijan Mickoski ова се фактите, а Вие рековте :
БРАТ ДА МИ Е ЌЕ ОДГОВАРА!
Исто така ги повикувам институциите по допрен глас да реагираат, оти некој МОРА!
Да не се чудиме после кога некој свесно ќе гради, кради или тепа, оти немањето реакција е соучесништво! – стои во објавата