Амбасадорот на Албанија во Македонија, Денион Мејдани, реагираше на спречувањето на учеството на албанските студенти на вчерашниот протест во Скопје.
Мејдани вели дека оваа акција го нарушува европскиот дух на регионот.
„Кога студентите се запираат, задржуваат и заплашуваат додека патуваат за мирно да изразат солидарност за јазично право, прашањето престанува да биде само процедурално. Тоа влијае на самото демократско разбирање и европскиот дух што се стремиме да го изградиме како регион.
Албанските студенти од Тирана патуваа во Република Македонија не за судири, туку за граѓанска солидарност и за да поддржат едно елементарно барање: правото да бидат тестирани и да ја вршат својата професија на мајчин јазик“, вели амбасадорот.
„Овие млади луѓе не бараат привилегии. Тие бараат достоинство, еднаквост и почитување на основните права.
А, барањето за достоинство никогаш не треба да се сфаќа како закана, особено во земјите кои се стремат да се приклучат кон европското семејство и да ја градат својата иднина врз вредностите на демократијата, еднаквоста и основните права“, вели Мејдани.
Вчера беше објавено дека неколку студенти кои доаѓаа во Скопјe за да се приклучат на студентскиот протест за албанскиот јазик биле приведени на граничниот премин меѓу Албанија и Македонија, објави Телеграфи