Ненадејно почина ученичка од скопското средно училиште „Цветан Димов“
Со длабока болка и тага, училиштето „Цветан Димов“ во Скопјe ја прими веста за ненадејната смрт на ученичката Ениса Весели.
Во порака со сочувство, раководството на училиштето, наставниците, учениците и персоналот го изразија своето жалење за нејзината загуба, нагласувајќи дека Ениса секогаш ќе биде запаметена по нејзината љубезност, примерно однесување и насмевката што им ја подари на сите.
„Ениса секогаш ќе остане во нашите сеќавања. Нејзиното сеќавање ќе живее во нашите срца“, се вели во пораката со сочувство.
Во овие тешки моменти, училиштето изразува најискрено сочувство до семејството Весели, нејзините роднини и пријатели.