Аеродромот во норвешкиот главен град Осло рано утрово привремено ги прекина слетувањата по пријави за забележани дронови во близина.
Неколку летови што пристигнуваа беа пренасочени или одложени откако пилот на норвешка авиокомпанија околу полноќ изјави за полицијата дека верува оти забележал три до пет дронови додека се приближувал кон аеродромот.
Норвешките медиуми јавија дека нема потврда за присуството на дронови. Аеродромот оттогаш продолжи со работа.
Европската авијација во последните недели беше нарушена откако дронови беа забележани во близина на аеродромите во Копенхаген и Минхен.