11
Потрошувачките цени во Косово се зголемиле за 3,9 проценти во 2025 година, според податоците од Косовската статистичка агенција (KSA), цитирани од весникот „Коха Диторе“.
Според податоците на Агенцијата, најголемо зголемување на цените имало кај кафето, чајот и какаото (15,2 проценти), по што следувало зголемувањето на цените кај услугите поврзани со лични возила кои не вклучуваат одржување и поправка (11,6 проценти), дрво (11,5 проценти), електрична енергија (11,4 проценти), месо (11 проценти), организирани патувања (10,3 проценти) итн.
Намалување на цените е забележано кај горивата и маслата (минус 4,6 проценти).
Просечната стапка на инфлација во 2025 година во Косово изнесувала 3,9 проценти, според податоците од статистичката канцеларија.