2
Шеснаесетгодишното владеење на унгарскиот премиер Виктор Орбан заврши синоќа со убедлив пораз од Петер Маѓар.
Најавтократскиот лидер во Европската Унија и близок сојузник на Доналд Трамп и Владимир Путин, на тој начин ќе ја напушти власта во Унгарија, а ова предизвика бројни коментари од лидерите ширум светот.
Интересно е што Доналд Трамп не кажа ниту збор за Виктор Орбан и унгарските избори, дури и додека го изразуваше своето мислење за разни други теми преку објави на социјалните мрежи, во телевизиско интервју и на кратка средба со новинарите.
Сепак, неколку негови сојузници, како што е технолошкиот тајкун Елон Маск, се пожалија на резултатите од гласањето во Унгарија.
„Организацијата Сорос ја презеде Унгарија“, напиша Маск на својата платформа X. Милијардерот финансиер и голем донатор на демократите Џорџ Сорос, унгарски имигрант во Соединетите Држави, долго време е цел на критики од многу конзервативци.
Орбан беше првиот европски лидер кој го поддржа Трамп за време на неговата претседателска кампања во 2016 година.
Трамп минатата недела изјави дека неговата администрација е подготвена да „ја искористи целосната економска моќ на Соединетите Американски Држави за зајакнување на унгарската економија“ доколку Орбан победи.