Амбасадата на Грција најавува два претстојни настапи во живо на грчкиот пејач Јоанис Лакис, кои ќе се одржат во Струмица во петок, на 24 април во 20:00 часот, во Градската галерија и во сабота, на 25 април, во 20:00 часот, во поткровјето на Public Room во Скопје.
Познат по својот експресивен глас и препознатлив уметнички стил, Јоанис Лакис, се наведува, ќе настапи во придружба на Манолис Басис (бузуки) и Панос Космидис (пијано), изведувајќи внимателно одбран репертоар од традиционална грчка музикa.
-Преку овие концерти, Амбасадата на Грција има за цел дополнително да ја промовира културната размена и да ги зајакне врските на пријателството меѓу Грција и Северна Македонија, истакнувајќи го универзалниот јазик на музиката како мост меѓу народите, стои во соопштението од Амбасадата на Грција.
Влезот е бесплатен, но потребна е претходна регистрација (RSVP): овде (Струмица) и овде (Скопје).