Ким Кардашијан очигледно нема да се откаже од својата најконтроверзна теорија досега – таа е убедена дека слетувањето на Месечината во 1969 година никогаш не се случило.
Во епизодата од „Кардашијан“ што се емитуваше во четврток, 30 октомври, 45-годишната ријалити ѕвезда призна дека не верува во историската мисија Аполо 11 – па дури и се обиде да ја убеди својата колешка од „All’s Fair“, актерката Сара Полсон, да почне да се сомнева заедно со неа.
„Ќе ти испратам, не знам колку, веројатно милион статии – со Баз Олдрин и… другиот“, рече Ким помеѓу снимките, осврнувајќи се на астронаутот Нил Армстронг.
„Да, прати ми“, одговори Полсон додека Кардашијан ѝ покажуваше еден од снимките што ги смета за доказ.
„Девојката го прашува: „Кој беше најстрашниот момент?“ А Олдрин вели: „Немаше најстрашен момент затоа што не се случи. Можеше да биде страшно, но не беше затоа што не се случи“, објаснува Кардашијан.
Ким продолжи да тврди дека астронаутот „малку се расприкажал“ со возраста и со тоа ја издал вистината: „Затоа мислам дека тоа не се случило“.
Меѓутоа, всушност, само минатата година Баз Олдрин даде интервју за People по повод 55-годишнината од мисијата Аполо 11, во кое го потврди токму спротивното – дека слетувањето било вистинско.
За време на разговорот на снимањето, Полсон вети дека ќе направи „многу истражување“ откако ќе ги разгледа материјалите што Ким ѝ ги испратила.
Во признание пред камера, Кардашијан призна: „Постојано ѝ испраќам теории на заговор“.
Кога се врати во својата приколка, еден продуцент ја праша отворено дали навистина не верува дека астронаутите стапнале на Месечината.
„Не мислам дека го направивме тоа. Мислам дека беше лажно“, рече Ким.
„Видов видеа од Баз Олдрин како зборува за тоа како тоа не се случило. Тој го кажува тоа постојано во интервјуа“, додаде таа.
Потоа ги наведе своите омилени „докази“: „Зошто Баз Олдрин би рекол дека тоа не се случило? Нема гравитација на Месечината – па зошто се вее знамето? Чевлите во музејот имаат различен отпечаток од оние на фотографиите. А каде се ѕвездите?“
Сите овие тврдења одамна се побиени од научниците.
Кога продуцентот ја прашал што би им рекла на луѓето кои мислат дека е луда, Ким само ги крена рамењата: „Ќе речат дека сум луда без разлика што правам. Но, само одете на TikTok. Уверете се сами.“