9
Од Министерството нагласуваат дека Република Северна Македонија ниту има намера, ниту потреба да биде дел од внатрешнополитичките или изборните процеси во Република Бугарија, ниту преку коментари и интерпретации, ниту преку вклучување во дневнополитички наративи.
Во реакцијата се упатува повик до бугарските институции да се водат од принципите на добрососедство, взаемна почит, предвидливост и институционална комуникација, кои, како што се наведува, претставуваат темелни европски вредности и стандарди.
„Европа се гради со доверба и резултати, а не со етикетирања и политички квалификации“, се вели во соопштението.
Од Министерството за надворешни работи и надворешна трговија на Република Северна Македонија порачуваат дека земјата и понатаму останува подготвена за дијалог што ќе се води во духот на европските вредности.