На стадионот Сан Сиро во Милано и во Кортина синоќа започна свеченото отворање на Зимските олимписки игри, кои се првите во историјата што официјално се организираат во два града. Свеченото отворање изгледа спектакуларно – посветено е на италијанската култура, модата, Џорџо Армани…
Музичката дива Мараја Кери уште еднаш покажа дека знае како да направи спектакл, овој пат блесна на церемонијата на отворањето на Зимските олимписки игри во Милано.
Познатата пејачка го изведе италијанскиот класик „Volare“, како и својот нов хит „Ништо не е невозможно“ на стадионот Сан Сиро во Милано, како дел од церемонијата на отворањето.
Мараја Кери привлече внимание во прекрасна бела тоалета украсена со 1.000 сребрени скапоцени камења, која ја дополни со пердувест шал и раскошен, блескав накит, вклучувајќи прстен со пеперутка.
Кога е во прашање музичката, сè зрачи со гламур, а таа ниту овој пат не се откажа од својата препознатлива, добро позната фризура.
Песната „Volare“, позната во Италија и како „Nel blu, dipinto di blu“, стана голем хит во 1958 година кога ја изведе Дин Мартин, додека „Nothing Is Impossible“ е на најновиот албум на Мараја, „Here for It All“, објавен во септември.
Мараја Кери го објави своето учество на Олимписките игри уште во декември, преку видео на Инстаграм во кое зборува италијански, појавувајќи се во впечатлива, гламурозна црвена тоалета.