Македонија ќе има најдобри автопатишта во региoнот. Речиси три децении немаше инвестиции во патната инфраструктура, Ние како Влада ги придвижуваме работите и работиме на неколку фронтови, истакна вицепремиерот Александар Николоски во поткастот „Риштази”.
„Македонија ќе има одлични автопатишта, би рекол, најдобри во регионот во следниве години како ќе ги завршуваме проектите. Факт е дека ние изгубивме најмалку 3 децении, мислам, на последните две децении на 20 век, 80-тите и 90-тите години и првата деценија на 21 век, така што еднo 30 години речиси никакви инвестиции во патната инфраструктура не донесе во ситуација каква што не донесе. Први големи инвестиции почнаа да се случуваат таму некаде 2013-2014 година, па после имаше одредени застои, се обидуваме како влада повторно да ги задвижиме. Ние работиме на многу фронтови” истакна вицепремиерот Николоски.
Николоски прецизира дека изградбата на автопатот Требениште- Ќафасан не е довeденa во прашање. Во соработка со УНЕСКО ќе се утврди трасата на автопатот. „УНЕСКО вели оваа траса е проблематична, ќе видиме финално што ќе кажат крај на јуни, почеток на јули. Ние ќе се бориме да ја одбраниме трасата и велиме дека е добра. И на крај ќе пресечеме крај на јуни, почеток на јули. Ако нашите аргументи победат, ќе градиме по таа траса. Ако нашите аргументи не победат, ќе градиме по траса која што е малку подолу. Но, повторувам, не е прашањето дали, прашањето е по која траса ќе го гардиме автопатот Требениште-Ќафасан”, рече Николоски.
За година и половина завршивме 37 км и ги пуштивме во сообраќај на автопатот Охрид-Кичево и тоа е доказ дека многу сериозно ги водиме проектите. За разлика од нас, владата на СДСМ и на ДУИ седум години не стави ни метро асфалт, истакна Николоски.
„Проблемот е на предходната влада која што од политички причини тој проект го напушти. Факт е дека седум години владата на Зоран Заев на СДСМ и ДУИ, тој проект не го работеше. Од причина што тие решија политички да го напуштат, нели отвораа и судски процеси и така натаму. И ние не можеме да преземаме одговорност за седум години од претходната влада, Кога бевме избрани, метро асфалт немаше на Охрид Кичево. Успеавме за година и некаде шест месеци, значи вкупно 18 месеци имаме активна работа, предходно ни требаше период да проучиме и да видиме кај сме, сега завршивме 37 километри, што е огромно достигнување. Така што според мене, на Охрид – Кичево велам дека се работи година и пол. Претходно не се работело. Едно е да се работи, па да не се заврши, друго е да воопшто не се работи. Така што овие година и половина на Охрид – Кичево покажува дека ние сме многу сериозни и дека многу сериозно ги водиме проектите и тоа е најдобар доказ дека ги завршуваме и проектите кои што се после нас” рече Николоски.