95
По 16 години брак и две години одвоен живот, Џесика Алба и Кеш Ворен официјално се разведоа. Судијата конечно ja потпиша нивната спогодба за развод, а како што покажуваат документите до кои дојде американскиот портал „Пејџ сикс“, тие ќе го делат старателството над нивните три деца – ќерките Онор Мери (17) и Хејвен Гарнер (14) и синот Хејс (8).
Во документите се наведува дека 44-годишната Џесика Алба и 47-годишниот Кеш Ворен нема еден на друг плаќаат алиментација, а судот особено им наредил да не разговараат за судските постапки ниту да даваат омаловажувачки забелешки еден за друг пред своите малолетни деца.
Она што привлече најголемо внимание на јавноста е секако нивниот мултимилионски договор за развод. Џесика Алба очигледно научила многу скапа лекција за предбрачните договори, бидејќи според судските записи, поранешните сопружници подеднакво ќе поделат сè што се смета за брачен имот, вклучувајќи недвижности, уметнички дела и мебел, што го купиле од времето на нивната венчавка во мај 2008 година до датумот на разделба во декември 2024 година.
Исто така, поранешните сопружници имаат право на половина од заработката од сите филмски и телевизиски проекти на кои работеле индивидуално за време на бракот. Актерските заслуги на Алба во текот на тие години вклучуваат хитови како „Sin City 2: A Dame to Kill For“, за кој наводно била платена помеѓу 1 и 2 милиони долари, „Valentine’s Day“, двете продолженија на „Machete“, „Little Fockers“ и „Mechanic: Resurrection“. Значајните продуцентски проекти на Ворен вклучуваат документарците „30 for 30“ и „Crips and Bloods: Made In America“.
Најголем финансиски удар
За среќа на познатата актерка, таа ќе може да ги задржи сите свои хонорари од проектите пред да го изговори судбоносното „да“, меѓу кои е и култниот „Фантастична четворка“, на снимањето на кој го запознала својот поранешен сопруг кој работел таму како помошник режисер, како и хитови како „Никогаш бакната“ и „Медена“.
Сепак, најголемиот финансиски удар е за нејзината деловна империја. Убавицата родена во Помона е ко-основач на брендот за потрошувачки производи „Искрена компанија“, чија вредност се проценува на 308 милиони долари. Според спогодбата, Ворен ќе добие 50 проценти од нејзините ограничени акции.
Облека, накит и луксузни автомобили
Истовремено, Ворен со своите пријатели во 2014 година ја покренал компанијата за чорапи и долна облека „Пар крадци“, која наводно достигнала продажба од 100 милиони долари минатата година.
Како што пренесува американскиот портал ТМЗ, Алба го задржала мебелот, облеката, накитот, неколку банкарски сметки и луксузни автомобили како што се ауди Q-6 E-tron и два КИА Sportage. Поранешната двојка ќе ги сподели своите инвестиции во компании како што се „Попчипс“ и „ВиВорк“, а интересно е што минатиот месец беше откриено дека актерката ќе му исплати на својот поранешен сопруг спогодба од 3 милиони долари на две еднакви рати, од кои втората треба да се исплати во 2027 година.